端午節赤柱龍舟競渡

6月8日係端午節, 不過之前一日黑雨, 攪到香港好多地方山泥傾瀉同水滲, 以為天氣一定唔好, 點知天公做美, 仲出埋太陽, 於是約o左個friend去赤柱影龍舟. 去到赤柱已經下午, 見到好多人離開, 以為已經完 o左, 於是睇下d賽程表, 好彩重有幾場係正灘舉行緊, o拿o拿淋去啦, 點知人多到hihi的, 結果要澗水行落沙灘先影到, 都算幾辛苦, 不過都值得o既, 因為除左可以近距離影到d龍舟同埋運動員之外, 仲見到好多衣著性感既"洋妞", 真係正到hihi啊!! 希望下次有機會再有呢一類活動可以再影過啦...呵呵!!

我個friend結婚, 幫手做兄弟同埋影snapshot

6月6日係我個friend o既大囍日子, 雖然天氣唔好, 仲落雨落唔停, 不過都無損當日既氣氛. 當日一早我就同攝影師朋友去左女家準備, 大概10半左右我個friend就到來接新娘, 經過左一輪體力勞動同埋一d整古遊戲彼, 終於成功接到新娘, 真係恭喜晒!! 當晚就去左銅鑼灣一家酒樓擺喜酒, 都好多賓客好熱鬧架.
至於我就幫手由朝影到晚影snapshot, 開始都唔覺有乜問題, 點知係影完相開席後先發覺隻手一夾餸就震過貓王, 可能因為長時間揸住部相機o既關係, 不過休息一陣之後又無事, 都唔係太大問題.
經過今次o既經驗, 我先知原來影室內真係好有學問, 有機會真係要多加練習, 仲有就係要有足夠體力啦, 影成日唔停真係需要架.

P.S. 係度再祝AMY同HECTOR白頭偕老, 永結同心 !!

6月1日 國際兒童節

都好耐冇寫下blog了, 近日來都提不起勁, 因為2008年5月對於中國人黎講係一個痛心既月份, 因為四川大地震令到好多人死亡同無家可歸...不過中國人有亙助精神, 一方有難, 八方支援, 總算將最艱難既日子捱過了. 但在這段日子中, 每天看到報紙和電視播出來的消息, 都會令人有d心寒感覺, 所以話天災無情係真既... 好啦, 唔講d唔開心野, 今日6月1日, 係"國際兒童節", 所以對於我呢類大兒童就選左睇戲作為消遣, 同d friend去o左睇早場, 就係奪寶奇兵4啦, 雖然之前係網上見人話故事情節唔合理, 地方場景又唔佩合等等, 但係本人係"鍾博士"既friends, 所以都唔理照樣去睇, 一睇之後真係覺得非常好, 兩個多鍾頭絕無冷場, 動作場面又多又夠刺激, 未睇o既真係值得睇一睇, 算係本人上半年推薦既好戲, 如果佢出dvd或者blueray, 一定要買隻收藏, 嘿嘿!!! 黎緊本人會幫個friend做兄弟同幫手影相, 係本人既第一次, 有d緊張, 哈哈!! 希望唔會太辛苦啦. 好啦, 到時有相先再寫啦.

星期日出海釣魚, 本來心情好好...點知...

星期日出海釣魚, 本來心情好好...點知...
我係前一晚睇天氣預報已經知天陰間中有陽光, 點知個天好似唔鍾意我, 全日陰陰天加有小小毛毛細雨, 不過呢d野都唔係太大影響, 最大影響係好大浪同大湧, 攪到成船六個人有三個暈暈地, 本來想靠岸釣,冇o禁大浪啊o麻, 但係揸船人就話去海中心d排口釣, 攪到我地雪上加霜, 爭少少就要係船上"湯", 結果去到唔係大湧釣唔到, 就係捕極都冇料到... 攪到人人都冇晒心機, 燃油又用多左好多, 魚獲就緊係少過上次好多啦...重要飽受暈浪既折磨, 真係好慘架, 所以下次都係要選d好天既日子先出動.

公司開大會, 幫手做攝影師

今日係公司一年一度staff communicate meeting, 公司有三份二人到場參加, 而舉行地點就係九龍灣展貿, 我有幸地可以幫手做攝影師, 但係今日因為要返工, 所以d器材就放係屋企先, 點知今日好多call, 攪到好遲先返得去攞野, 但係好彩都比我趕到坐公司車去目的地, 不過去到都已經六點幾, o拿o拿淋set好d器材...結果連開會前既點心時間都miss o左, 攪到影影下相個肚咕嚕咕嚕, 都幾慘..呵呵!! 不過今次我就好開心, 首先就係公司業績有進步, 年中有個叫star既bonus出, 跟住就係加人工啦, HR大家姐話係有得加既, 詳情會係5月尾6月出memo通知, o禁我o地仆心仆命, 做到最好都算值得o既, 哈哈!!, 最後就係自己d攝影技術啦, 今晚開始影既時候有少少唔知點o禁, 影出來d相唔係over...就係under啦, 場內d光攪到好難捉摸, 好彩我個影相partner比o左d好有用既advice我, 真係好有用架!! 所以到o左後來, 已經可以捉摸到場內光源, 影出來既相已經唔同晒, 應該可以唔使點整就可以出街了. 所以今晚第二次影室內大禮堂學左唔少野, 希望6月份幫我o個friend影結婚可以有表現啦!!

PS. 雖然今日企o左成日(真係好倦架!!), 不過可以學到唔少野, 都算係好值得o既.

奧運聖火傳遞之我見

寫呢編文章既時候, 已經係聖火傳遞後第2日, 不過我都想講下當日既所見所聞. o個日我係下午先出發, 去到灣仔準備影下相, 點知去到經已人山人海, 水洩不通, 唯有邊行邊找有利位置, 結果去到盧押道就發生了一段小插曲, 就係有位外國人, 手持西藏雪山獅子旗同一身貼上藏獨標誌既衣物, 想係聖火途經路線示威, 結果梗係比廣大市民圍堵, 場面一度混亂, 更有警員到場勸阻, 最後好彩都冇釀成更大既衝突. 禁講完d突發野, 更係到聖火出場啦, 我就好好彩係人堆中影到eason接棒後既姿態, 但係想再影下其他已經不能了, 因為實在太多人了, 跟都跟不上, 不過影到eason接棒都算不枉此行. 好啦, 寫左o禁多o野, 都係時候講下自己對聖火既睇法, 今屆奧運已經係第二十九屆了, 雖然我都唔係好大, 但都經歷過好多屆了, 係我印象中好似今屆特別多示威, 搶聖火既事發生, o禁究竟係因為奧運定係中國既關係? 呢個我就唔想深入研究, 我只係想講, 奧運係一個世界性既盛事, 好多運動員苦練4 年, 都係為o左呢日既來臨, 如果因為有人示威而破壞, 真係非常可惜, 所以希望由現在到8月都唔會有咩大事件發生而影響到啦!! 使到全世界人有機會欣賞到各國運動員既出色表現啦


.

森齋橋起動

好耐之前已經想開個Blog來寫下野, 舒發下自己日常生活中既所見所聞, 結果係個幾星期前開左一個有關攝影既Blog, 都post左一d我既作品同文章, 不過大都係關於攝影方面, 因此想開多個Blog寫有關我自己生活上既野, 希望自己可以兩邊都兼顧到啦 !!